Pra heta pravaabaroncam paviedamiła maci palitviaźnia — Natalla Łabacevič. Heta raspavioŭ joj namieśnik PK №17, kali ŭčora, 17 sakavika, jana pryjechała ŭ Škłoŭ, kab pieradać synu pieradačku. Jon skazaŭ, što Illu pazbavili hetaha praz «padjom» i toje, što «niekudy chadziŭ» — nijakich padrabiaznaściaŭ maci nie paviedamili. Spadaryni Natalli taksama paviedamili, što jana nie atrymlivaje listoŭ ad syna, tamu što jon «nie choča ich pisać».
Taksama ŭžo nie z kałonii, a praź inšych ludziej maci daviedałasia, što Illa ciapier znachodzicca ŭ lakarni: u jaho ŭtvaryŭsia tromb u nazie.
«Ale kali b ja nie pryjechała ŭ Škłoŭ, navat nie daviedałasia b, što adbyvajecca z synam», — aburajecca žančyna.
Illa Łabacevič — žychar Navapołacka, asudžany na paŭtary hady kałonii pa artykule 364 (Hvałt adbo pahroza hvałtu ŭ dačynieńni da supracoŭnika orhanaŭ unutranych spraŭ).
14 vieraśnia, u adzin ź niadzielnych maršaŭ, Illa hulaŭ z maci, kali pobač ź imi amapaŭcy pačali źbivać čałavieka. Jany vyrašyli zastupicca za chłopca. U vyniku ich taksama pačali źbivać. Illa staŭ baranić ad udaraŭ maci, za što atrymaŭ surjozny ŭdar pa hałavie dubinkaj.
