«Siońnia adbyłasia maja sustreča z kiraŭnikom [apazicyjnaj] frakcyi «Kvitniejučaja Armienija» Hahikam Carukianam. Na sustrečy my zafiksavali, što lepšy vychad z unutrypalityčnaj situacyi — heta pazačarhovyja parłamienckija vybary», — napisaŭ jon.
U pryniaćci rašeńnia premjer-ministr taksama abapiraŭsia na abmierkavańni pytańnia z prezidentam Armienii Armienam Sarkisianam, kirujučaj parłamienckaj frakcyjaj «Moj krok» i kiraŭnikom apazicyjnaj parłamienckaj frakcyi «Śvietłaja Armienija» Edmonam Marukianam, havorycca ŭ paście.
U kancy lutaha ŭ Armienii pačaŭsia novy vitok palityčnaha kryzisu. Pašynian, jakoha apazicyja nieadnarazova abvinavačvała ŭ parazie ŭ Nahornym Karabachu, zvolniŭ namieśnika kiraŭnika, a zatym i kiraŭnika Hienštaba. Paśla zvalnieńniaŭ u Hienštabie vajskoŭcy zapatrabavali adstaŭki Pašyniana. Jon, u svaju čarhu, prapanavaŭ daterminovyja parłamienckija vybary, adnak apazicyja vystupiła suprać ich praviadzieńnia va ŭmovach znachodžańnia Pašyniana va ŭładzie.
