Avi Vihdersan i Łasła Łovas. Fota The New York Times.
Narviežskaja akademija navuk i litaratury prysudziła prestyžnuju ŭznaharodu navukoŭcam za ich «vialiki ŭniosak u tearetyčnuju infarmatyku i dyskretnuju matematyku i viadučuju rolu ŭ pieratvareńni ich u centralnyja haliny sučasnaj matematyki».
Łasła Łovas i Avi Vihdersan padzielać premiju ŭ pamiery $880 tysiač, paviedamlaje The New York Times.
Daśledavańni abodvuch navukoŭcaŭ paspryjali raźvićciu teoryi składanaści vyličeńniaŭ (raździeł tearetyčnaj infarmatyki, jaki vyvučaje składanaść ałharytmaŭ dla rašeńnia zadač na asnovie vyličalnych pryład). Heta asabliva važna dla kryptahrafii, bo matematyki raspracavali ałharytm, jaki vyjaŭlaje chiby ŭ kryptahrafičnych sistemach, a taksama prapanoŭvaje bolš daskanałyja sposaby šyfravańnia, jakija mohuć palepšyć internet-biaśpieku.
