U Žodzinie ranicaj 18 sakavika źnikła vada. Čytačy EX-PRESS.BY paviedamlajuć, što kala 9 ranicy z kranaŭ pajšła brudnaja vada, paśla čaho źnikła zusim.
— Siońnia a 9:00 adbyłasia avaryja na elektrasietkach, — paviedamlaje telegram-kanał «Žodzinskija Naviny» sa spasyłkaj na RES. — Adbyłosia adklučeńnie raźmierkavalnaha punkta na padstancyi BiełAZa, jakaja siłkuje bolšuju častku horada, u tym liku i vodazabor «Paŭnočny».
Zaraz likvidujuć avaryju. Barysaŭskija ratavalniki daduć dyziel-hienieratar mahutnaściu 300 kVt dla adnaŭleńnia pracy vodazaboru.
Hałoŭny doktar žodzinskaha Centra hihijeny i epidemijałohii Siarhiej Kanavałaŭ nakiravaŭ dyrektaru kambinata hramadskaha charčavańnia Jaŭhienu Łobanu i kiraŭnikam abjektaŭ hramadskaha charčavańnia i handlu Žodzina list z pamietkaj «vielmi terminova».
U liście havorycca: «Usie ŭstanovy adukacyi, u tym liku charčbłoki, abjekty hramadskaha charčavańnia, handlu nieabchodna zabiaśpiečyć butylavanaj vadoj dla arhanizacyi pitnoha režymu, hatavańnia ježy. Charčavańnie dziaciej i naviedvalnikaŭ ažyćciaŭlać z adnarazovaha posudu albo arhanizavać charčavańnie suchim pajkom. Vykarystańnie vady z centralizavanych sietak vodazabieśpiačeńnia nie rekamiendavana da atrymańnia zdavalniajučych vynikaŭ łabaratornych daśledavańniaŭ vady».
