Ad imia pravaabarončaha centra «Viasna» praciahvajuć rassyłacca fejkavyja listy na anhlijskaj movie na elektronnyja adrasy jeŭrapiejskich parłamientaryjaŭ i ambasadaraŭ jeŭrapiejskich krain.
Pieršy taki list byŭ razasłany 19 lutaha. U im adznačałasia, što «Viasna» nibyta surjozna zakłapočana rostam parušeńniaŭ pravoŭ hramadzian na svabodu vykazvańnia mierkavańniaŭ i mirnych schodaŭ u šerahu jeŭrapiejskich krain, adsutnaściu reakcyi na heta z boku mižnarodnych pravaabarončych arhanizacyj i nibyta zaklikaje pravieści rasśledavańnie takich parušeńniaŭ. U dadatku źmiaščalisia 28 fota, vidavočna, spampavanych z adkrytych krynic u internecie.
Jašče dva listy z anałahičnym źmiestam rassyłalisia 4 i 16 sakavika. Apošni list byŭ dasłany na 98 elektronnych adrasoŭ i ŭtrymlivaŭ jašče bolš fotazdymkaŭ. Usie jany byli dasłany z pošty [email protected], jakaja nikoli nie naležała «Viaśnie».
PC «Viasna» znoŭ zajaŭlaje, što nie maje dačynieńnia da hetych listoŭ i rasceńvaje ich jak pravakacyju ŭ dačynieńni da arhanizacyi.
