Ułady paviedamili pra vykanańnie kvartalnaj mety Nacyjanalnaj prahramy vakcynacyi, paviedamlaje Polskaje radyjo.
Kiraŭnik Kancylaryi premjera Michał Dvorčyk paviedamiŭ, što kvartalnaja meta Nacyjanalnaj prahramy vakcynacyi była dasiahnutaja. Da ŭčarašniaha dnia pieršuju dozu vakcyny suprać COVID-19 atrymali try miljony palakaŭ. Ministr Dvorčyk adznačyŭ, što da kanca pieršaha kvartała pavinny być pryvityja bolš za piać miljonaŭ čałaviek:
— Ad pačatku my havaryli, što da kanca pieršaha kvartała pieršaj dozaj vakcyny suprać COVID-19 płanujem pryvić try miljony palakaŭ. Zhadanaja meta była dasiahnutaja ŭčora. Takim čynam, da kanca miesiaca my pavinny pieravysić pieršapačatkovuju metu na 20%. Spadziajomsia, što ahułam heta budzie kala piaci z pałovaj miljonaŭ usich pryvitych pieršaj i druhoj dozami vakcyny.
Zhodna z Nacyjanalnaj prahramaj vakcynacyi, ciaham troch bližejšych dzion na vakcynacyju mohuć rehistravacca ludzi va ŭzroście 68 i 67 hadoŭ, a taksama asoby va ŭzroście 69 hadoŭ, jakija raniej hetaha nie zrabili.
