U 67-hadovaha piensijaniera z Bresta ašukancy, patelefanavaŭšy na Viber, vykrali 25 tysiač dalaraŭ z valutnaha rachunku, paviedamlaje Minsk-Naviny.
Dniom 11 sakavika 67-hadovamu žycharu Bresta na miesiendžar patelefanavała žančyna, jakaja pradstaviłasia śpiecyjalistam adnaho z bankaŭ. Jana paviedamiła, što z rachunku mužčyny nieviadomyja sprabujuć vykraści hrošy i nieabchodna pryniać miery da ich abarony. Surazmoŭnica skazała, što dla vykanańnia ŭsich pracedur joj nieabchodna daviedacca danyja internet-bankinhu.
Piensijanier nie pavieryŭ surazmoŭnicy i pierapyniŭ razmovu, pakłaŭšy słuchaŭku. Adnak ašukanka pieratelefanavała i praciahnuła pierakonvać paciarpiełaha u nieabchodnaści abaranić svaje hrošy. Mužčyna pieradaŭ surazmoŭnicy kanfidencyjnuju infarmacyju. Paśla ź im taksama z dapamohaj Viber źviazaŭsia čałaviek, jaki pradstaviŭsia supracoŭnikam słužby biaśpieki taho ž banka i zapatrabavaŭ paviedamlać kody, jakija buduć prychodzić u SMS-paviedamleńniach.
U vyniku złamyśniki vykrali z bankaŭskaha rachunku piensijaniera bolš za 400 dalaraŭ, a ź jaho depazitnaha valutnaha rachunku — bolš za 25 tysiač dalaraŭ.
