Śledčy kamitet zavioŭ kryminalnuju spravu pa fakcie ŭzłomu elektronnaj pošty deputata Pałaty pradstaŭnikoŭ Hienadzia Davydźki. Ad jaho imia rassyłali listy z zaklikam vyzvalić Alaksandra Łukašenku ad pasady.
Sprava zaviedziena pa č. 2 art. 349 («Niesankcyjanavany dostup da kampjutarnaj infarmacyi, ździejśnieny z karyślivaj abo inšaj asabistaj zacikaŭlenaści, abo hrupaj asob pa papiaredniaj zmovie, albo asobaj, jakaja maje dostup da kampjutarnaj sistemy abo sietki») KK Respubliki Biełaruś.
Ciapier śledčyja vyśviatlajuć abstaviny niesankcyjanavanaha dostupu da elektronnaj pošty Davydźki. Pravodziacca śledčyja i apieratyŭna-vyšukovyja mierapryjemstvy, nakiravanyja na ŭstanaŭleńnie asob, jakija majuć dačynieńnie da ździajśnieńnia złačynstva.
Nahadajem, ab uzłomie jaho elektronnaj pošty deputat raspavioŭ sam. Taksama jon padzialiŭsia, što da hetaha jamu pahražali pa telefonie.
