Prezident Rasii Uładzimir Pucin zajaviŭ, što hatovy ŭ chutkim časie — «albo zaŭtra, albo ŭ paniadziełak» — pravieści pieramovy ź lidaram ZŠA Džo Bajdenam.
«Ja b nie adkładvaŭ heta ŭ doŭhuju skryniu. Ja na vychodnyja chaču źjeździć u tajhu troški adpačyć. A tak možna było b albo zaŭtra, albo ŭ paniadziełak [pravieści razmovu]. My hatovyja ŭ luby zručny dla amierykanskaha boku čas», — zajaviŭ Pucin.
Jon dadaŭ, što «prosta ciapier» daść adpaviednaje daručeńnie MZS. «Kab nam nie pikiravacca voś tak zavočna, my možam, my pavinny praciahvać adnosiny», — padkreśliŭ rasijski prezident.
«Ja chaču prapanavać jamu praciahnuć našu dyskusiju, ale pry ŭmovie: što my heta zrobim faktyčna ŭ žyvym efiry, anłajn, biez usialakich zatrymak. Miarkuju, što heta było b cikava i dla naroda Rasii i dla naroda Złučanych Štataŭ, tak i dla mnohich inšych krain», — paviedamiŭ Pucin.
17 sakavika, prezident ZŠA Džo Bajden u intervju ABC News pahadziŭsia sa śćviardžeńniem, što prezident Rasii źjaŭlajecca zabojcam.
