Fota gazeta.pl
Spačatku astranomy nie nadali šmat uvahi GJ 1132 b, bo płanieta znachodzicca zablizka da svajoj zorki, čyrvonaha karlika. Adlehłaść pamiž płanietaj i zorkaj nastolki maleńkaja, što hod na płaniecie doŭžycca tolki paŭtara ziamnych dnia.
Zvyčajna takoje ciesnaje susiedstva — prykmieta taho, što na płaniecie zanadta śpiakotna, tamu tam niama ničoha cikavaha dla vyvučeńnia. Ale novaje daśledavańnie z dapamohaj teleskopa Chabł pakazała, što GJ 1132 b sapraŭdy vartaja ŭvahi, piša gazeta.pl.
Hetaja płanieta sfarmiravałasia 4,5 miljardaŭ hadoŭ tamu i pieršapačatkova była hazavym hihantam. Praz zorkavy viecier — vyciakańnie zorkavaha rečyva z čyrvonaha karlika — płanieta zhubiła atmaśfieru, ale potym zdoleła jaje častkova adnavić. Ciapier GJ 1132 b maje atmaśfieru toj ža ščylnaści, što i ziamnaja.
Navukoŭcy miarkujuć, što novaja hazavaja abałonka płaniety ŭtvaryłasia pad upłyvam vułkaničnaj aktyŭnaści na jaje pavierchni. Asnoŭnyja składniki adbudavanaj atmaśfiery — vadarod, sinilnaja kisłata, mietan, amijak i vuhlevadarodny tuman.
Chutčej za ŭsio, pavierchnia płaniety vielmi haračaja i tonkaja, jana adčuvaje na sabie mocny hravitacyjny ŭpłyŭ ad svajoj zorki i, mahčyma, ad susiedniaj płaniety. Tamu ŭ pavierchni płaniety šmat raskolin, praź jakija i vyciakajuć hazy, što stvarajuć novuju atmaśfieru GJ 1132 b.
