spring96.org
19 sakavika ŭ Vałožynski RAUS vyklikali Siarhieja Tura, tam na jaho skłali pratakoł pa art. 24.23 KaAP za toje, što jon nibyta pravodzić pikiet u vyhladzie pafarbavanaha ŭ BČB-haraža. Paśla składańnia pratakoła jaho adpuścili, ale praź niekatory čas supracoŭniki milicyi pryjechali da Tura dadomu. U hety čas Siarhiej byŭ u paliklinicy. Milicyjanty tam i zatrymali mužčynu, paviedamlaje spring96.org.
Siarhiej pazvaniŭ žoncy ź milicyi i skazaŭ, što sud nad im adbudziecca ŭ paniadziełak, ale žonka tak i nie zmahła trapić na jaho: praces prajšoŭ faktyčna ŭ zakrytym režymie. Sud aryštavaŭ mužčynu na 15 sutak.
Akramia taho, paśla suda da Turaŭ dadomu prychali kamunalniki i zafarbavali čyrvonuju pałosku na haražy ŭ šery koler. Pry hetym jany paviedamili haspadyni doma, što heta «biaspłatna — u jakaści dapamohi jak šmatdzietnaj siamji». U Siarhieja doma troje niepaŭnaletnich dzietak: 2, 4 i 8 hadoŭ. Pa słovach žonki, mužčynu ŭžo zvolnili z pracy.