Fota Depositphotos.com

Fota Depositphotos.com

Niekatoryja virusy «spaborničajuć» miž saboj, kab vyklikać infiekcyju ŭ arhaniźmie čałavieka. Navukoŭcy z Univiersiteta Hłazha vyjavili, što rynavirus, ad jakoha ŭźnikaje toje, što ŭ prastamoŭi nazyvajecca prastudaj, pieramahaje karanavirus.

Chutčej za ŭsio, takija pieravahi zachoŭvajucca niadoŭha, ale, pa mierkavańni daśledčykaŭ, rynavirus nastolki raspaŭsiudžany, što moža adyhrać svaju rolu ŭ pandemii kavidu, piša BBC. 

Kamanda z Centra virusnych daśledavańniaŭ u Hłazha vykarystali madel ślizistaj abałonki dychalnych šlachoŭ, stvoranuju z tych ža kletak, što i ŭ čałavieka. Zatym daśledčyki pačali zaražać abałonku karanavirusam i rynavirusam.

Kali abodva virusy adnačasova traplali na ślizistuju abałonku, rynavirus źniščaŭ Sars-CoV-2. Kali daśledčyki zaražali kletki rynavirusam na 24 hadziny raniej, to Sars-CoV-2 uvohule nie ŭzajemadziejničaŭ z tymi ž kletkami. A kali navukoŭcy spačatku zapuskali virus kavidu, a praz sutki rynavirus, to kletki znoŭ byli zaražanyja prastudaj, a nie karanavirusam.

Heta značyć, što vysokaja raspaŭsiudžanaść rynavirusa moža padavić pandemiju kavidu.

Padobnyja efiekty prastudy naziralisia i raniej. Na dumku niekatorych ekśpiertaŭ, uspyška rynavirusa zatrymała pandemiju śvinoha hrypu ŭ 2009 hodzie ŭ niekatorych častkach Jeŭropy.

Nastupnyja ekśpierymienty pakazali, što rynavirus zapuskaje imunny adkaz u kletkach, jaki źniščaje zdolnaść karanavirusa raspaŭsiudžvacca ŭ arhaniźmie. Adnak paśla taho, jak prastuda prachodzić, Sars-CoV-2 moža znoŭ vyklikać infiekcyju.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?