Praces viadzie Dźmitry Karsiuk na padstavie artykułu 24.3 (Niepadparadkavańnie słužbovaj asobie).
Foto Nadziei Bužan
Sud pačaŭsia praz skajp, suviaź drennaja, uvieś čas pieraryvajecca. Mikałaj Kazłoŭ chadajničaŭ, kab adkłali raźbiralnictva dla akazańnia jamu naležnaj medyčnaj dapamohi. Malaŭ, kiepska siabie adčuvaje, padvysiŭsia cisk: sutki siadzieŭ u adnamiascovaj kamery, dzie było 8 (!) čałaviek.
Da taho ž, na padłohu vylili pad 20 litraŭ kancentravanaha rastvoru chlorki. U takim stanie niemahčyma paŭnavartasna ŭdzielničać u pracesie, zajaviŭ palityk.
Taksama jon zapatrabvaŭ, kab dali mahčymaść aznajomicca z materyjałami spravy. Sudździa skazaŭ, što heta zadavalniajecca prosta: budzie znajomicca šlacham «abviaščeńnia materyjałaŭ u pracesie».
Sudździa abviaściŭ pierapynak dla taho, kab Mikałaju Kazłovu pamierali cisk.
Mikałaj Kazłoŭ tłumačyŭ, što sprava tyčycca dziejnaści Kaardynacyjnaj rady. Jon trojčy admoviŭsia dać padpisku ab nierazhałošvańni paśla dopytaŭ u Śledčym kamitecie — letaś 30 śniežnia, a taksama sioleta 5 i 11 studzienia. Za heta na jaho skłali pratakoł za «niepadparadkavańnie», asudzili na 15 dzion aryštu, adpuścili z zali sudu, admianili prysud i pieradali na razhlad inšamu sudździ.
Jašče adzin pratakoł pasłali na «dapracoŭku» i adkłali sud na niapeŭny termin; pavodle jašče adnaho pratakołu zatrymlivali na try dni ŭ pačatku sakavika.
«Heta drobnaja podłaja pomsta»: kiraŭnika AHP Kazłova pratrymali 3 dni na Akreścina
Lider partyi pakinuŭ rasparadžeńni na vypadak, kali sprava skončycca pazbaŭleńniem voli, paviedamlała presavaja słužba AHP.
Čytajcie taksama: Suprać kiraŭnika AHP zaviali kryminalnuju spravu
