U sučasnym śviecie Paŭnočnaatłantyčnamu aljansu (NATO) pahražajuć ahresiŭnyja dziejańni Rasii, mižnarodny teraryzm i pandemija. Pra heta havorycca ŭ sumiesnaj zajavie kiraŭnikoŭ MZS krain aljansu, apublikavanym na sajcie NATO.
«My sutykajemsia z pahrozami, jakija rastuć, i sistemnaj kankurencyjaj. Ahresiŭnyja dziejańni Rasii ŭjaŭlajuć saboj pahrozu jeŭraatłantyčnaj biaśpiecy», — adznačajecca ŭ dakumiencie.
U NATO miarkujuć, što «naporystyja i aŭtarytarnyja dziaržavy» kidajuć vyklik usiamu mižnarodnamu paradku, u tym liku z dapamohaj novych technałohij i kibierpahroz.
U dakładzie ab refarmavańni błoka «NATO — 2030», jaki byŭ apublikavany pa vynikach kansultacyj kiraŭnikoŭ MZS aljansu, havaryłasia, što Rasija budzie dla NATO hałoŭnaj vajennaj pahrozaj minimum da 2030 hoda. Na druhoje miesca siarod pahroz aljans pastaviŭ Kitaj, na treciaje — mižnarodny teraryzm.
