Pra heta na pres-bryfinhu raspavioŭ kiraŭnik kancylaryi premjer-ministra susiedniaj krainy Michał Dvorčyk, paviedamlaje Tut.by sa spasyłkaj na wiadomosci.onet.pl.

Michał Dvorčyk paviedamiŭ, što ŭrad Polščy budzie prymać miery z nahody ŭsich palakaŭ, jaki padviarhajucca represijam u Biełarusi.

Jon padkreśliŭ, što premjer Polščy Matevuš Maraviecki na pasiadžeńni Rady Jeŭropy «padymie temu represij suprać polskaj mienšaści ŭ Biełarusi».

— U adpaviednaści z ukazańniami premjer-ministra Matevuša Maravieckaha, sudździ, jaki prysudziŭ Anžaliku Borys da 15 dzion aryštu, biesterminova budzie zabaronieny ŭjezd na terytoryju Respubliki Polšča, — paviedamiŭ Michał Dvorčyk.

Nahadajem, staršynia niezarehistravanaha Sajuza palakaŭ Biełarusi Anžalika Borys była zatrymanaja 23 sakavika i na nastupny dzień była asudžanaja na 15 sutak za praviadzieńnie kirmašu ramieśnikaŭ «hrodzienskija Kaziuki». Jak paviedamlaŭ u svaim Twitter žurnalist Andžej Pačobut (jon ciapier zatrymany), jaje sudziŭ Rusłan Huryn — sudździa Leninskaha rajona Hrodna.

Paźniej prakuratura zaviała na Borys kryminalnuju spravu pa artykule ab raspalvańni rasavaj, nacyjanalnaj, relihijnaj albo inšaj sacyjalnaj varožaści abo roźni.

Dvorčyk padkreśliŭ, što kožny biełaruski čynoŭnik i kožny, chto ŭdzielničaje ŭ represijach suprać polskaj mienšaści ŭ Biełarusi, «pacierpiać ad nastupstvaŭ».

— Na hety momant my rychtujem płan dziejańniaŭ, nakiravanych na dapamohu paciarpiełym, — paviedamiŭ kiraŭnik kancylaryi premjer-ministra Polščy. — My taksama raźličvajem na salidarnaść našych jeŭrapiejskich partnioraŭ. Zhadžacca ź pieraśledam ludziej tolki za toje, što jany majuć polskuju nacyjanalnaść, kateharyčna nielha, — padkreśliŭ jon.

Клас
0
Панылы сорам
0
Ха-ха
0
Ого
0
Сумна
0
Абуральна
0