Fota Depositphotos.com

Fota Depositphotos.com

Letaś šviedskaja kampanija H&M vykazała zakłapočanaść paśla infarmacyi ad pravaabaroncaŭ nakont prymusovaj pracy i dyskryminacyi etničnych mienšaściaŭ u addalenaj kitajskaj pravincyi Sińcziań, dzie vyroščvajecca bavoŭna. Kampanija taksama adznačyła, što spyniaje pastaŭki bavoŭny z hetaha rehijona.

Zajava była zroblenaja šmat miesiacaŭ tamu i da hetaha času nie pryciahvała ŭvahi z boku kitajskaha ŭrada. Adnak ciapier kampaniju abvinavačvajuć va ŭmiašańni va ŭnutranyja spravy krainy, a taksama ŭ ačarnieńni i paklopie na kitajski ŭrad, piša The Wall Street Journal.

Niadaŭna ES uvioŭ sankcyi suprać Kitaja za parušeńnie pravoŭ čałavieka ŭ Sińcziani, dzie kitajskija ŭłady pravodzili represiŭnuju palityku ŭ adnosinach da ŭjhuraŭ i inšych etničnych mienšaściaŭ rehijona pieravažna musulmanskaha vieravyznańnia. Pa słovach pravaachoŭnikaŭ, represii ŭklučajuć u siabie zatrymańni biez suda i prymusovuju pracu na dziaržaŭnych fabrykach.

Kitaj admaŭlaje ŭsie abvinavačvańni ŭ parušeńni pravoŭ čałavieka i adznačaje, što łahiery dla interniravanych źjaŭlajucca centrami prafiesijnaj padrychtoŭki, nakiravanyja na baraćbu z teraryzmam i relihijnym ekstremizmam.

Paśla ŭviedzienych sankcyj dziaržaŭnyja ŚMI, karystalniki sacyjalnych sietak i sponsary znakamitaściaŭ pačali zaklikać da bajkotu zachodnich brendaŭ adzieńnia, jakija ŭdzielničajuć u inicyjatyvie Better Cotton Initiative (BCI). Heta niekamiercyjnaja arhanizacyja, jakaja siertyfikuje fiermy adpaviedna sa svaimi standartami pa vyroščvańni bavoŭny.

BCI uniesła ŭ čorny śpis kitajskaha vytvorcu bavoŭny za ŭdzieł u parušeńni pravoŭ čałavieka ŭ Sińcziani. Taksama arhanizacyja spyniła licenzavańnie fiermierskich haspadarak u hetym rehijonie.

U skład arhanizacyi ŭvachodziać takija bujnyja kampanii, jak Nike, Adidas, H&M, IKEA. Ciapier kitajskija karystalniki sacsietak aktyŭna zaklikajuć nie vykarystoŭvać pradukcyju hetych brendaŭ. Handlovyja placoŭki ŭ Kitai pačali admaŭlacca ad supracoŭnictva z H&M i inšymi kampanijami, a kitajskija znakamitaści spyniajuć kantrakty ź viadomymi brendami.

Sama kampanija H&M zajaŭlaje, što prytrymlivajecca mižnarodnych pryncypaŭ ustojlivaha raźvićcia i nie padtrymlivaje vykarystańnie prymusovaj pracy ŭ svaich pastaŭkach. Pradstaŭniki kampanii taksama adznačyli, što z pavahaj staviacca da kitajskich spažyŭcoŭ i nie zajmajuć nijakaj palityčnaj pazicyi.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?