Taksama naviedvalniki šou ispanskaha rok-hurta Love of Lesbian byli abaviazany nasić maski. Pry hetym praviła sacyjalnaha dystancyjavańnia nie dziejničała, piša The Guardian. Pa słovach virusołaha Barysa Revała, «heta jašče adzin krok da mahčymaści pravodzić kancerty i kulturnyja mierapryjemstvy» va ŭmovach pandemii. Arhanizatary adznačyli, što heta pieršaje kamiercyjnaje mierapryjemstva takoha maštabu, praviedzienaje ŭ Jeŭropie padčas pandemii.
Tolki šeść čałaviek dali stanoŭčy vynik na chvarobu, jany nie zmahli trapić na mierapryjemstva. Dla testavańnia na COVID-19 hledačoŭ padzialili na try hrupy. Čakajecca, što taki padychod stanie pavarotnym momantam u arhanizacyi masavych mierapryjemstvaŭ, adznačaje El Correro.
Arhanizatary kancerta atrymali admysłovy dazvoł ispanskich uładaŭ, bo ŭ krainie zabaroniena źbiracca hrupami bolš za čatyry čałavieki. Usie kvitki pradali zahadzia, u ich košt (23—28 jeŭra) uvachodziła testavańnie i maska, jakuju vydavali na ŭvachodzie. Praz paru tydniaŭ śpiecyjalisty paraŭnajuć pakazčyk zachvorvańnia siarod 5 tysiač hledačoŭ i siarod nasielnictva ŭ cełym, kab vyśvietlić, ci nie nazirajecca rost zachvorvańnia siarod tych, chto naviedaŭ kancert.
