Premjer-ministr Armienii Nikoł Pašynian zajaviŭ, što ŭ krasaviku padaść u adstaŭku, kab byli praviedzienyja daterminovyja vybary. Jon sustreŭsia ŭ niadzielu z žycharami Armavirskaj vobłaści, pieradaje TASS.
«U krasaviku ja padam u adstaŭku, kab my zmahli pravieści daterminovyja vybary. Da vybaraŭ ja zastanusia vykanaŭcam abaviazkaŭ premjera», — skazaŭ Pašynian.
18 sakavika Pašynian paśla praviadzieńnia palityčnych kansultacyj z prezidentam i lidarami troch parłamienckich frakcyj zajaviŭ, što pazačarhovyja parłamienckija vybary adbuducca 20 červienia. Adnak paśla hetaj naviny apazicyja vystupiła z zajavaj, što vitok pratestaŭ u krainie, jaki praciahvajecca z kanca lutaha, nie spynicca.
0
0
0
0
0
0
