Abduł-Fatach Chalił As-Sisi zajaviŭ, što Suecki kanał, raniej zabłakavany vielizarnym sudnam-kantejnieravozam, paśpiachova razbłakavali. Ab zaviaršeńni apieracyi paviedamiła jaho pres-słužba, piša Reuters.

«Jehipcianie viarnuli stanovišča spraŭ da normy, i ciapier uvieś śviet moža być spakojny za svaje tavary, jakija iduć praz hetuju transpartnuju arteryju», — abviaściŭ prezident.

Raniej 29 sakavika stała viadoma, što karabiel udałosia źniać ź miali. U čarzie na prachod kanała znachodziacca bolš za 450 sudoŭ. Paviedamlałasia, što dzień prastoju kaštuje suśvietnaj ekanomicy ŭ 9 młrd dalaraŭ.

Hihanckaje sudna Ever Given, jakoje znachodzicca ŭ doŭhaterminovym kiravańni tajvańskaj Evergreen Group, 23 sakavika sieła na miel u paŭdniovaj častcy Sueckaha kanała. Jano išło z Kitaja ŭ Raterdam (Niderłandy). Paviedamlałasia, što kantejnieravoz vypadkova adchiliŭsia ad kursu z-za mocnaha vietru.

Kali Jehipiet vyjaviŭsia niazdolny padniać sudna ź mieli, na dapamohu jamu adpravilisia inžyniernyja častki amierykanskaj armii.

Клас
0
Панылы сорам
0
Ха-ха
0
Ого
0
Сумна
0
Абуральна
0