U raździele, pryśviečanym Biełarusi, havorycca, što Biełaruś — aŭtarytarnaja dziaržava i pieraličvajucca parušeńni pravoŭ čałavieka, jakija nastupničali prezydenckim vybaram-2020, piša Radyjo Svaboda.

U pryvatnaści:

  • advolnyja zabojstvy siłami biaśpieki,
  • katavańni ŭ miescach źniavoleńnia,
  • vypadki žorstkaha, biesčałaviečnaha i prynižalnaha abychodžańnia z boku siłavikoŭ,
  • suvoryja i niebiaśpiečnyja dla žyćcia turemnyja ŭmovy,
  • advolnyja aryšty i zatrymańni,
  • palityčna matyvavanyja źniavoleńni,
  • surjoznyja prablemy ź niezaležnaściu sudovaj ułady,
  • umiašańnie ŭ pryvatnaje žyćcio,
  • surjoznyja abmiežavańni svabody słova, presy, internetu,
  • pieraśled žurnalistaŭ, cenzura i blakavańnie sajtaŭ,
  • kryminalizacyja krytyki ŭradavych čynoŭnikaŭ,
  • praźmierna abmiežavalnyja zakony ab niaŭradavych arhanizacyjach;
  • istotnaje ŭmiašańnie ŭ svabodu mirnych schodaŭ i svabodu asacyjacyj, uklučajučy kryminalnaje pakarańnie za zaklik da mirnaj demanstracyi i zakony, jakija karajuć dziejnaść i finansavańnie hrup, nia ŭchvalenych uładami;
  • abmiežavańnie svabody pieramiaščeńnia;
  • pazbaŭleńnie hramadzian mahčymaści mirna źmianić uładu šlacham svabodnych i sumlennych vybaraŭ;
  • praviadzieńnie vybaraŭ nie ŭ adpaviednaści ź mižnarodnymi standartami;
  • surjoznaja karupcyja;
  • adsutnaść raśśledavańnia i adkaznaści za hvałt u dačynieńni da žančyn;
  • handal ludźmi;
  • złačynstvy, źviazanyja z hvałtam albo pahrozami hvałtu suprać leśbijanak, hiejaŭ, biseksuałaŭ, transhienderaŭ ci interseksuałaŭ;
  • značnyja abmiežavańni svabody prafsajuzaŭ.

U dakładzie padkreślivajecca, što ŭłady ŭsich uzroŭniaŭ zvyčajna zastavalisia biespakaranymi i nie prymali mieraŭ pa pryciahnieńni da adkaznaści ci pakarańnia słužbovych asob va ŭradzie abo siłach biaśpieki, jakija parušali pravy čałavieka.

Клас
0
Панылы сорам
0
Ха-ха
0
Ого
0
Сумна
0
Абуральна
0