BiełTA
Paviedamlajecca, što avaryja na vodapravodnych sietkach adbyłasia ŭ noč na 30 sakavika. Učora ludzi, što žyvuć na vulicy Maładziožnaj, masava stali skardzicca na śpiecyfičny pach vady. Na praciahu dnia avaryju likvidavali, byŭ arhanizavany padvoz pitnoj vady. U mikrarajonie znachodziacca navučalnyja ŭstanovy, tam nichto nie paciarpieŭ. «Zrobleny adbor proby vady. Usio ŭ zdavalniajučym stanie i adpaviadaje normam. Pić vadu možna», — adznačyŭ Viktar Hryšan.
U rajonnuju balnicu 30 sakavika źmiaścili piać dziaciej. Usie siabie narmalna adčuvajuć, ich zdaroŭju i žyćciu ničoha nie pahražaje. Rašeńnie ab špitalizacyi pryniata z pryčyny małaletniaha ŭzrostu. Za minułuju noč pacyjentaŭ sa skarhami na paharšeńnie samaadčuvańnia paśla ŭžyvańnia vady nie pastupała.
Namieśnik staršyni Biešankovickaha rajvykankama dadaŭ, što pakul kazać ab kankretnych pryčynach avaryi rana.
U Biešankovičach ludzi patrucilisia vadoj z-pad krana. Kiraŭnica rajona kamientuje situacyju
