Tut.by
— Ja daviedaŭsia, što majo vyklučeńnie z kalehii advakataŭ vyrašyli farsiravać. U papiarednich vypadkach nieprachodžańnia atestacyi kalehija advakataŭ čakała, pakul Miniust spynić dziejańnie licenzii, a tolki potym vyklučała advakata. Ciapier ža kalehija advakataŭ vyrašyła być pieršaj. Miniust maju licenziju jašče nie zabraŭ, ale pasiadžeńnie pa vyklučeńni mianie z kalehii advakataŭ zapłanavana ŭžo na 31 sakavika — napisaŭ Zikracki ŭ siabie ŭ Facebook.
— Rašeńniem savieta Minskaj abłasnoj kalehii advakataŭ ad 31 sakavika ja vyklučany z kalehii advakataŭ. Ciapier ja nie mahu ažyćciaŭlać advakackuju dziejnaść, — skazaŭ paźniej Zikracki.
Nahadajem, 24 sakavika Zikrackaha vyklikali na pieraatestacyju, dzie kvalifikacyjnaja kamisija pryznała, što advakat vałodaje «niedastatkovaj kvalifikacyjaj, kab u dalejšym pracavać advakatam». Padstavaj dla vykliku na pieraatestacyju staŭ šerah kamientaroŭ Zikrackaha ŭ ŚMI. Ministerstva justycyi paličyła, što hetyja kamientary nie ŭ poŭnaj miery adpaviadajuć zakanadaŭstvu, a tamu śviedčać ab nienaležnym vykanańni advakatam svaich prafiesijnych abaviazkaŭ.
