U efiry telekanała ANT pakazali film «Apieracyja KDB «Mankurty». U filmie śćviardžajecca, što telefonnyja razmovy pres-sakratara Łukašenki Natalli Ejsmant z roznymi słužbovymi asobami byli insceniroŭkaj.
Jak zajavili ŭ efiry telekanała, «śpiecapieracyja» pavinna była zaviaršycca jašče vosieńniu minułaha hoda.
U efiry telekanała śćviardžajecca, što telefonnyja razmovy Natalli Ejsmant i Mikałaja Łatyšonka, nibyta «źlityja» ŭ sieciva, byli śledčym ekśpierymientam, insceniroŭkaj. Adnak adzin z supracoŭnikaŭ KDB nibyta hetaha nie viedaŭ i nibyta pradavaŭ aŭdyjazapisy razmoŭ telehram-kanałam.
Pa słovach staršyni Kamiteta dziaržaŭnaj biaśpieki Ivana Cierciela, vosieńniu KDB stała viadoma, što nievyśvietleny supracoŭnik robić sproby vyjści na suviaź z zamiežnaj śpiecsłužbaj dla pieradačy infarmacyi zakrytaha charaktaru.
Hetym supracoŭnikam nibyta akazaŭsia padpałkoŭnik KDB Alaksiej Chrałovič, jaki mieŭ dostup da sakretnaj infarmacyi.
