Siarhiej Sidarovič i Elina Karyćka. Fota Jaŭhienii Pryhodzič.
Siarhieja Sidaroviča i Elinu Karyćka razam ź jašče čatyrma maładziečancami asudzili pa artykule 342 «Aktyŭnyja dziejańni, što parušajuć hramadski paradak» za pierakryćcio Vialikaha Haścinca 21 listapada. Sidarovič i Karyćka atrymali pa adnym hodzie i šeść miesiacaŭ abmiežavańnia voli — «chimiju». «Rehijanalnaja hazieta» raskazała historyju pary, jakaja pratestavała suprać falsifikacyi vybaraŭ, traplała pad milicejskija dubinki i atrymała terminy pa kryminalnym artykule.
Elina i Siarhiej pačali sustrakacca jašče da padziej žniŭnia. Elina vučycca na pieršym kursie ŭ miedycynskim kaledžy ŭ Maładziečnie, a Siarhiej pracuje prahramistam. Jany ŭdzielničali ŭ pratesnych akcyjach, što adbyvalisia ŭ horadzie. A ŭ listapadzie razam ź inšymi maładziečancami pierakryli banieram Vialiki Haściniec.
Padčas razhonu pratesnaj akcyi 10 žniŭnia vajskoviec z sabakam udaryŭ dubinkaj chłopca Eliny — Siarhieja. Elina pačała kryčać na vajskoŭca, kab jon i jaje biŭ, a nie tolki Siarhieja. Fota Nastaśsi Utkinaj.
Elina trymaje Siarhieja, jaki ŭstaŭ paśla padzieńnia ad udaru dubinkaj. Fota Nastaśsi Utkinaj.
Siarhiej i Elina padčas mitynhu na maładziečanskaj płoščy 16 žniŭnia. Fota Aksany Jarašonak.
Siarhiej Sidarovič vystupaje na šmattysiačnym mitynhu ŭ Maładziečnie 21 žniŭnia 2020 hoda. Jon raskazvaŭ pra ŭmovy, jakija ŭłada stvaryła dla moładzi, pra toje, što jon nie choča źjazdžać ź Biełarusi.
Siarhiej trymaje bieł-čyrvona-bieły ściah u adnym z maładziečanskich dvaroŭ razam sa svaim siabram Alaksiejem Krenciem. Suprać chłopcaŭ zavodzili letaś administracyjnuju spravu za rasklejku ŭlotak. U śniežni 2020 suprać Krencia zaviali kryminalnuju spravu, i jon byŭ vymušany źjechać ź Biełarusi.
Elinu i Siarhieja zatrymali ŭ śniežni 2020 hoda. Jany praviali troje sutak u izalatary, paśla ich pryznali abvinavačvanymi pa kryminalnaj spravie — «Aktyŭnyja dziejańni, što hruba parušajuć hramadski paradak».
Siarhiej Sidarovič abdymaje Elinu Karyćka pierad pieršym sudovym pasiadžeńniem.
Dziaržaŭny abvinavaŭca padčas sudovaha raźbiralnictva zapatrabavaŭ dla Siarhieja Sidaroviča 1 hod i 6 miesiacaŭ chatniaj «chimii», a dla Eliny Karyćka — 1 hod chatniaj «chimii». U sudzie išła havorka pra toje, što para moža pabracca šlubam, kab chatniuju «chimiju» pravieści razam.
Sudździa Viktoryja Palaščuk prysudziła pakarańnie Sidaroviču i Karyćka ŭ vyhladzie 1 hoda i 6 miesiacaŭ abmiežavańnia voli ŭ papraŭčaj ustanovie.
Siarhiej Sidarovič i Elina Karyćka. Fota Jaŭhienii Pryhodzič.
Padčas ahałošvańnia prysudu Siarhiej Sidarovič dastaŭ z kišeni banku z tabletkami i pačaŭ ich pić. Blizkija pobač nie dali jamu hetaha zrabić i vyklikali «chutkuju dapamohu». Siarhiej siadzić razam z Elinaj kala zały sudovaha pasiadžeńnia paśla akazańnia miedykami dapamohi. Fota Jaŭhienii Pryhodzič.
Siarhieja zavieźli ŭ balnicu na mašynie «chutkaj dapamohi», jaho dziaŭčyna paśla hetaha pieramaŭlajecca z kimści pa telefonie i płača. Fota Jaŭhienii Pryhodzič.
Elinu abdymaje maci Siarhieja paśla taho, jak chłopca pavieźli na «chutkaj» u balnicu. Fota Jaŭhienii Pryhodzič.
Čytajcie taksama:
U Maładziečnie pa spravie ab pierakryćci hałoŭnaj vulicy horada — šaściora abvinavačanych
«Paciarpiełyja» ŭ Maładziečnie salidaryzavalisia z abvinavačanymi
Čaćviora — na «chimiju», dvum — štrafy. Ahučyli prysud pa spravie ab pierakryćci vulicy ŭ Maładziečnie
