Fota Nadziei Bužan
Hrupa daktaroŭ ź Mičyhanskaha ŭniviersiteta paćvierdziła empiryčnyja nazirańni niekatorych miedykaŭ u daśledavańni, apublikavanym u Amierykanskim časopisie infiekcyjnaha kantrolu (American Journal of Infection Control).
Daktary vyvučali źviestki 27 201 žychara Mičyhana, jakija rabili test na karanavirus. 12 997 pacyjentaŭ raniej rabili pryščepku suprać hrypu.
Daśledavańnie pakazała, što ŭ ludziej, pryščeplenych ad hrypu, ryzyka zarazicca kavidam mienšaja na 24%, paviedamlaje DW.
Bolš za toje, pacyjenty z pryščepkaj ad hrypu značna radziej mieli patrebu ŭ špitalizacyi.
Navukoŭcy miarkujuć, što heta moža tłumačycca tym, što vakcynacyja suprać hrypu aktyvizuje imunitet. Imunnaja abarona składajecca z roznych elemientaŭ, jakija achoŭvajuć ad lubych infiekcyj, niezaležna ad virusa.
Siarod hetych elemientaŭ fahacyty i dendrytnyja kletki (kletki, jakija pahłynajuć patahieny), a taksama roznyja cytakiny (białki, jakija adyhryvajuć važnuju rolu ŭ imunnych reakcyjach).
Papiarednija daśledavańni vyjavili, što vakcynacyja suprać roznych zachvorvańniaŭ umacoŭvaje imunnuju sistemu arhanizma. Hetym i tłumačycca mienšaja ryzyka zaražeńnia karanavirusam u tych, chto rabiŭ pryščepku ad hrypu.
