Viktoryja z Hrodna zapłacić štraf u 10 bazavych vieličyń (290 rubloŭ) za toje, što paviesiła doma šeruju štoru z čyrvonaj pałasoj pasiaredzinie. Takoje rašeńnie 31 sakavika vyniesła sudździa Alena Toŭścik-Samojła ŭ sudzie Kastryčnickaha rajona Hrodna. Milicyja paličyła, što štora padobnaja da BČB-ściaha, a značyć heta — adzinočnaje pikietavańnie. Viktoryju asudzili pavodle art. 23.34 KaAP (u redakcyi 2003 hoda), piša Hrodna.life.

Sama Viktoryja nie zmahła pryjści ŭ sud. Ab rašeńni sudździ joj paviedamiŭ sakratar. Pastanova dziaŭčynie pryjdzie pa pošcie.

Razhlad u sudzie išoŭ tydzień. Viktoryja sprabavała dakazać, što štora nie novaja, jaje koler — šery, na ściah jana nie padobnaja pamierami. Raniej Hrodna.life padrabiazna raspavioŭ historyju haradzienki. Viktoryja adna vychoŭvaje dvaich dziaciej, adzin ź jakich — z DCP. Dziaŭčyna pieražyvaje, što kali nie zmoža svoječasova zapłacić štraf, to jaje rachunki zabłakujuć, i siamja zastaniecca biez hrošaj.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?