BiełTA

BiełTA

«Nam treba budzie abmierkavać šerah aktualnych pytańniaŭ dziejnaści Ministerstva zamiežnych spraŭ z asablivym akcentam na temu aptymizacyi našaj dypłamatyčnaj prysutnaści za miažoj», — skazaŭ Łukašenka.

«Važna, kab sistema orhanaŭ dypłamatyčnaj słužby ni ŭ jakim razie nie pieratvaryłasia ŭ zakaścianiełuju strukturu, u jakoj pracujuć tearetyki, adarvanyja ad žyćcia. U šerahu krain naš šmathadovy vopyt śviedčyć ab tym, što pierśpiektyvy biełaruskaj dypłamatyčnaj prysutnaści tam nie prahladajucca, - skazaŭ Łukašenka.

— Tak navošta nam zachoŭvać svaje pasolstvy, tracić biudžetnyja srodki na ich utrymańnie? Dla čaho tam poŭny štat dypłamataŭ, jakija adkazvajuć za napramki, jakija pastaŭlenyja na paŭzu, miakka kažučy? U takich vypadkach treba pracavać na ŭmovach uzajemnaści, jak heta niadaŭna było zroblena z Polščaj i Litvoj».

Łukašenka adznačyŭ, što ŭ krajnim vypadku ŭsie pytańni, jakija cikaviać, možna abmiarkoŭvać na placoŭkach AAN, inšych mižnarodnych arhanizacyj u Ńju-Jorku, Ženievie abo Vienie.

«Tam jość mahčymaść havaryć z usim śvietam i niama nieabchodnaści trymać palityčnych daradcaŭ u krainach, jakija zamarozili z nami kantakty ŭ siłu svaich praduziataściaŭ abo viaduć suprać nas destruktyŭnuju dziejnaść», — skazaŭ jon.

Jon nahadaŭ, što ŭ šerahu krain Biełaruś maje tavarapravodnyja sietki, jakija dobra pracujuć. U suviazi z hetym jon pastaviŭ pytańnie na pradmiet taho, ci jość nieabchodnaść dublavać ich svaimi handlovymi pradstaŭnikami ŭ pasolstvach. «Moža, bolš efiektyŭna hetyja štatnyja adzinki pierakinuć tudy, dzie jany sapraŭdy buduć zapatrabavanyja dla vyrašeńnia aktualnych zadač?» — zaŭvažyŭ jon.

«Paŭtaru svaju hałoŭnuju ŭmovu — adkryvać novyja ŭstanovy za miažoj tolki za košt słušnaha pieraraźmierkavańnia najaŭnych resursaŭ. Nie pavinna być nijakaha raździmańnia štatu», — padkreśliŭ Łukašenka.

«Vidavočna, što družalubnaj dla nas źjaŭlajecca taja kraina, dzie pakupnik hałasuje svaim rublom, dalaram ci jeŭra za biełaruski tavar ci pasłuhu, a ŭrad hetamu nie pieraškadžaje, a, naadvarot, spryjaje», - zajaviŭ Łukašenka.

Na dadzieny momant intaresy Biełarusi za miažoj pradstaŭlajuć 70 zamiežnych ustanoŭ u 58 krainach, na dolu jakich prypadaje amal 97% ekspartu i 76% zamiežnych inviestycyj. Pavodle słoŭ Łukašenki, u cełym sistema orhanaŭ dypłamatyčnaj słužby dazvalaje vyrašać pastaŭlenyja zadačy.

BiełTA

BiełTA

«Pytańnie tolki ŭ tym, nakolki jana efiektyŭnaja z punktu hledžańnia vydatkoŭvanych na jaje ŭtrymańnie srodkaŭ i realnych vynikaŭ pa abaronie našych intaresaŭ. Ci jość mahčymaść pieraraźmierkavać ludziej dla vyrašeńnia klučavych zadač tam, dzie nas čakajuć i hatovyja z nami pracavać, nie vysoŭvajučy nijakich ultymatumaŭ?»- spytaŭ Alaksandr Łukašenka.

Клас
0
Панылы сорам
0
Ха-ха
0
Ого
0
Сумна
0
Абуральна
0