«Va ŭročyščy Stupskaje rabotniki lashasa vysadžvali drevy. Ź imi byli koń i sabaka. U niejki momant žyvioły pačali prajaŭlać niepakoj, i nieŭzabavie na ich napaŭ voŭk. Ludzi schapilisia za viły i siakiery, stali adbivacca, paškodzili vaŭku pašču, i jon uciok. Infarmacyju ab drapiežniku pieradali jehieru, što dziažuryŭ niepadalok. Nieŭzabavie paśla jaho pryjezdu voŭk znoŭ vyjšaŭ, pavioŭ siabie ahresiŭna. Jehier zastreliŭ jaho z palaŭničaj strelby», — raspaviali BiełTA ŭ Pinskim rajvykankamie.
Zaraz na miescy zdareńnia pracujuć vieterynary, patrebny budzie analiz na šalenstva.
Jak paviedamlałasia, voŭk 5 krasavika ŭ vioscy Łasick napaŭ na troch žančyn. Z traŭmami ich špitalizavali. Paśla akazańnia nieabchodnaj miedycynskaj dapamohi paciarpiełych vypisali. Taksama jon atakavaŭ u vioscy sabaku i kazu.
Pošuki drapiežnika praciahvalisia da treciaj hadziny nočy, na dośvitku jany adnavilisia. U apieracyi pa adłovie ŭdzielničali lashas, Tavarystva palaŭničych, milicyja. Supracoŭniki MNS apaviaščali miascovaje nasielnictva.