Bankir i pretendent u prezidenty byŭ zatrymany 18 červienia, z taho času jon znachodzicca za kratami. Sud nad Viktaram Babarykam i top-mieniedžarami Biełhazprambanka pačaŭsia 17 lutaha, ale potym byŭ pierapynak amal na čatyry tydni.
Siońnia Viktara Babaryku dapytali ŭ sudzie. Babaryka zajaviŭ, što jaho pieraśled palityčna matyvavany, i admoviŭsia davać pakazańni. Svajoj viny jon nie pryznaje.
Prysutnyja ŭ sudzie — a čarha achvotnych padtrymać Babaryku raściahnułasia na sotniu mietraŭ — źviarnuli ŭvahu, što eks-pretendent na pasadu prezidenta, jaki ličyŭsia asnoŭnym supiernikam Alaksandra Łukašenki i byŭ aryštavany na pačatku prezidenckaj kampanii, mocna schudnieŭ.