MZS Turcyi asudziła pryznańnie prezidentam ZŠA Džo Bajdenam hienacydu armian u 1915 hodzie, piša Anadolu.

«Ankara nikoli nie paźbiahała acenak svajoj historyi. Adnak ni ZŠA, ni jakaja-niebudź inšaja kraina, nie majuć prava pavučać Turcyju pa hetym pytańni. Zaklikajem prezidenta ZŠA vypravić dapuščanuju najhrubiejšuju pamyłku, nie iści na povadzie ŭ kołaŭ, jakija imknucca vykarystoŭvać histaryčnyja śćviardžeńni dla pahłybleńnia varožaści, i zamiest hetaha padtrymać praktyčnyja kroki pa zabieśpiačeńni miru ŭ rehijonie».

U zajavie padkreślivajecca, što vykazvańni Bajdena nie majuć pad saboj nijakich navukovych i zakonnych padstaŭ i dalokija ad histaryčnych realij.

«Prezident ZŠA nie maje ni pravavych, ni maralnych paŭnamoctvaŭ vynosić rašeńni pa histaryčnych pytańniach. Zajava Džo Bajdena nie maje nijakaj značnaści», — havorycca ŭ zajavie.

U subotu prezident ZŠA Džo Bajden pryznaŭ masavyja zabojstvy armian u Asmanskaj impieryi hienacydam.

Клас
0
Панылы сорам
0
Ха-ха
0
Ого
0
Сумна
0
Абуральна
0