Aŭkcyjon «Samyja vysakarodnyja numary» prajšoŭ u subotu, 1 maja, paviedamlaje Khaleej Times. Na im vystaŭlalisia asablivyja aŭtamabilnyja i mabilnyja numary.

Siarod inšaha ŭdzielniki atrymali mahčymaść nabyć prestyžny adnaznačny aŭtamabilny numar AA9 i try dvuchznačnyja — U31, T38 i E51.

AA9 pajšoŭ z małatka za rekordnyja 38 miljonaŭ dyrchamaŭ (blizu 10,3 miljona dalaraŭ) i staŭ samym darahim aŭtamabilnym numaram u śviecie.

Taksama na tarhi byli vystaŭlenyja piać ekskluziŭnych mabilnych numaroŭ kampanii Etisalat: 056999999, 05699993, 0549999993, 0565555556 i 0545555558.

Paviedamlajecca, što ŭ aŭkcyjonie ŭziali ŭdzieł niekalki fiłantropaŭ, zaŭvažnych dziejačaŭ i biznesoŭcaŭ.

Usie atrymanyja z aŭkcyjonu srodki pojduć na dabračynnaść: za hetyja hrošy ŭ miežach kampanii «100 miljonaŭ abiedaŭ» źbiaruć charčovyja pasyłki dla ludziej u ciažkim sacyjalnym stanoviščy ŭ 30 krainach śvietu ŭ honar śviatoha miesiaca Ramadana.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?