Fota Pixabay
4 maja cana adzinki Ethereum upieršyniu pieravysiła 3 tysiačy dalaraŭ, piša Deutsche Welle.
Pandemija vyklikała finansavuju niapeŭnaść va ŭsim śviecie, u vyniku čaho sa studzienia bitkoin, samaja papularnaja kryptavaluta, vyras na 100%. Mienš viadomy Ethereum pavialičyŭsia ažno na 360% za toj ža pieryjad, a jaho zasnavalnik 27-hadovy Vital Buteryn staŭ samym maładym miljarderam, jaki razbahacieŭ na kryptavalucie.
Usio bolš inviestaraŭ robiać staŭku na Ethereum, technałohii błokčejna jakoha mohuć dazvolić hetaj kryptavalucie abahnać bitkoin u budučyni.
Adna z pryčyn rostu papularnaści Ethereum abumoŭlenaja raspaŭsiudžvańniem technałohii DeFi — formy finansavańnia, jakaja pracuje na błokčejnie Ethereum. Bolš za toje, DeFi stała asnovaj dla ŭzajemazamianialnych tokienaŭ (NFT), jakija stanoviacca ŭsio bolš papularnymi ŭ śviecie ličbavaha mastactva.
Na minułym tydni Jeŭrapiejski inviestycyjny bank paviedamiŭ, što ŭpieršyniu ŭ historyi była vykarystanaja technałohija błokčejna Ethereum dla vypusku 100 miljonaŭ jeŭra.
Niekatoryja inviestary pierakananyja, što kryptavalutu Ethereum niedaaceńvajuć. Na siońnia jaje kapitalizacyja składaje 364 miljardy dalaraŭ, a tendencyi rostu Ethereum nie spyniajucca.
