Zhodna z materyjałami spravy Cichanoŭski, Statkievič, a taksama pryciahnutyja imi Sakaŭ, Papoŭ, Łosik, Cyhanovič i inšyja hramadzianie «z červienia 2019 hoda płanavali arhanizacyju masavych biesparadkaŭ na terytoryi krainy ŭ pieryjad padrychtoŭki i praviadzieńnia vybaraŭ».

«Dla dasiahnieńnia svaich metaŭ jany vykarystoŭvali sučasnyja palittechnałohii, kab stvaryć u nasielnictva niedavier i niehatyŭnaje staŭleńnie da pradstaŭnikoŭ dziaržaŭnych orhanaŭ», — paviedamlaje prakuratura.

Cichanoŭskaha i jaho atačeńnie, u pryvatnaści, abvinavačvajuć u praviadzieńni niezakonnych masavych mierapryjemstvaŭ u Minsku, Breście, Hrodnie, Mahilovie, Salihorsku, Mijorach i inšych haradach «pad roznymi padstavami, u tym liku dla zboru podpisaŭ za vyłučeńnie kandydata ŭ prezidenty Respubliki Biełaruś».

U paviedamleńni Hienprakuratury zhadvajecca i pieratrus u sadovym domiku ŭ Homielskim rajonie, jaki Cichanoŭski vykarystaŭ dla pracy i žycharstva: «Vyjaŭleny i kanfiskavanyja 900 300 dalaraŭ ZŠA, pnieŭmatyčny pistalet i pnieŭmatyčny aŭtamat. Charaktar upakoŭki značnaj častki hrošaj, sieryjnaść numaroŭ banknot u pačkach pakazvali na ich adnamomantavaje atrymańnie ŭ bankaŭskich abo inšych finansavych arhanizacyjach».

Na dumku prakuratury ŭ vyniku dziejańniaŭ Cichanoŭskaha i jaho saŭdzielnikaŭ dziaržavie naniesieny ŭron na sumu bolš za 3 młn rubloŭ.

Na majomaść abvinavačvanych nakładzieny aryšt na sumu zvyš za 2 młn rubloŭ. Prakuratura ŭ ramkach kryminalnaj spravy pradjaviła da abvinavačanych pazoŭ ab kampiensacyi škody.

Asablivaść Viarchoŭnaha suda ŭ tym, što kali spravu razhladaje jon, to prysud ustupaje ŭ siłu adrazu. Apielacyja nie praduhledžvajecca, tamu ŭžo na nastupny dzień paśla prysudu asudžanych mohuć adpravić u kałonii.

Клас
0
Панылы сорам
0
Ха-ха
0
Ого
0
Сумна
0
Абуральна
0