Sudździa Viera Fiłonik pryznała jaho vinavatym pavodle art. 369 KK RB «Abraza pradstaŭnika ŭłady» i pryznačyła pakarańnie ŭ vyhladzie 1 hoda i 6 miesiacaŭ abmiežavańnia voli biez nakiravańnia ŭ papraŭčuju ŭstanovu (kolki i zapytvała dziaržabvinavaŭca Cichanovič).

Pavodle abvinavačańnia, Siarhiej Zubovič 23 vieraśnia 2020 pakinuŭ «kamientar abraźlivaha charaktaru» ŭ telehram-čacie. U spravie byli vyniki ekśpiertyzy, što ŭ tekście paviedamleńnia «źmiaščajecca niehatyŭnaja acenka Karpiankova Mikałaja Mikałajeviča».

Karpiankoŭ na toj momant uznačalvaŭ HUBAZiK, ciapier jon zajmaje pasadu namieśnika ministra MUS. Za svaje maralnyja pakuty Karpiankoŭ zajaŭlaŭ pazoŭ na 1000 rubloŭ (pazoŭ zatym byŭ adklikany, bo padčas suda Zubovič dobraachvotna zapłaciŭ patrabavanuju sumu).

Abvinavačany całkam pryznaŭ vinu, prasiŭ sud pryniać pad uvahu źmiakčalnyja abstaviny: najaŭnaść na ŭtrymańni dziaciej, pakryćcio škody. U vyniku sud pryznačyŭ jamu «chatniuju chimiju», a taksama pastanaviŭ kanfiskavać na karyść dziaržavy mabilny telefon marki Samsung jak srodak ździajśnieńnia złačynstva.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?