Z taho času, jak u śniežni byli zarehistravanyja pieršyja vakcyny suprać kavidu, ZŠA vakcynavali kala treci nasielnictva, paviedamlaje The Wall Street Journal. Hetaj ličby niedastatkova, kab dasiahnuć kalektyŭnaha imunitetu, ale kraina dasiahnuła pierałomnaha momantu — 40% vakcynavanaha nasielnictva, što mnohija ekśpierty ličać važnym paroham, paśla jakoha kolkaść vypadkaŭ zaražeńnia źnižajecca.
Statystyka ŭ ZŠA pakazvaje, što pa miery taho, jak usio bolš žycharoŭ atrymlivali pieršuju dozu vakcyny, štodzionnyja pakaźniki zachvorvańnia ŭ asnoŭnym nie źmianialisia. Adnak situacyja rezka źmianiłasia, jak tolki było vakcynavana 40% nasielnictva.
U 10 štatach z samymi vysokimi pakaźnikami vakcynacyi było zafiksavana rezkaje źnižeńnie kolkaści vypadkaŭ karanavirusa. Heta značna adroźnivałasia ad tych štataŭ, dzie ŭvieś čas nazirałasia mienšaja zachvorvalnaść. Tam vakcynacyja ažyćciaŭlałasia marudniej, u vyniku čaho rezkaha źnižeńnia kolkaści vypadkaŭ kavidu nie było.
