Paśla siami turaŭ mahła adbycca pieršaja trenierskaja adstaŭka siezona. Paśla parazy ad «Isłačy» abjaviŭ ab sychodzie z «Niomana» Ihar Kavalevič. Ale, jak i hod tamu (tady taksama ŭ haradziencaŭ nie zadaŭsia start siezona), adstaŭku nie pryniali i dali čas na vypraŭleńnie situacyi. Letaś heta ŭzbadzioryła kamandu, i «Nioman» vydaŭ siem pieramoh zapar, ale ci paŭtorycca taja ž historyja?
Ihar Kavalevič. Fota: FK «Nioman»
Taksama niekatoryja krynicy «zvolnili» Viačasłava Leŭčuka sa «Spadarožnika» i pastavili na jahonaje miesca tajamničaha zamiežnaha treniera. Ale kłub nijak aficyjna nie kamientuje situacyju, a pytańniaŭ u zaŭziataraŭ stanovicca ŭsio bolš.
Davajcie zazirniom u vyniki papiaredniaha tura:
- «Słuck» — «Dynama-Brest» 1:1 (36, Bačaroŭ — 62, Bieleńki)
- «Ruch» — «Słavija» 2:1 (45+1, Jovič; 85, Kiki — 74, Ślusar)
- «Dynama-Minsk» — «Enierhietyk-BDU» 2:0 (43, Po; 48, Mbienh)
- «Viciebsk» — «Homiel» 0:0
- «Nioman» — «Isłač» 1:2 (78 (p), Zabielin — 3, Kamaroŭski; 62 (p), Jusaŭ)
- «Tarpieda-BiełAZ» — «Minsk» 2:1 (12, Mantejra; 57, Kirylenka — 53 (ah), Adeaiba)
- «Spadarožnik» — «Šachcior» 1:2 (32, Śmit — 24, Debełka; 36, Sačyŭka)
- BATE — «Smarhoń» — 1:0 (11, Skavyš)
TURNIRNAJA TABLICA
Pakrysie turnirnaja dystancyja pačynaje ściahvać ź viaršyni «Homiel» i bresckaje «Dynama». Abiedźvie kamandy druhi tur zapar nie zmahli vyjhrać i prapuścili na treci radok minskaje «Dynama». Leanid Kučuk zrabiŭ rabotu nad pamyłkami: źmianiŭ taktyčnuju schiemu i ŭpisaŭ u startavy skład Antona Puciłu, što pryviało da pieramohi i ŭ druhim minskim derbi. Taksama zaźziaŭ forvard Abłaj Mbienh — padobna, što takoha hulca nie chapała kamandzie.
Jak my pisali tydzień tamu, z maja pa śniežań usie matčy lihi pavinny hulacca na naturalnym hazonie. Heta pašyraje hieahrafiju turnira: «Enierhietyk-BDU» pierajazdžaje ŭ Barysaŭ, a «Isłač» viartajecca ŭ Maładziečna, dzie hulała 5 hadoŭ tamu.
Darečy, adzin matč na novaj arenie «vaŭki» ŭžo zhulali — u sieradu kamanda Radźkova zvyšsiensacyjna pieramahła ŭ «Šachciora» i prabiłasia ŭ finał Kubka Biełarusi, dzie zhulaje z BATE. Były kłub Vitala Žukoŭskaha 23 maja ŭ Homieli zhulaje suprać ciapierašniaha. Budzie cikava.
«Isłač» śviatkuje vychad u finał Kubka. Fota: FK «Isłač»
A pakul nas čakajuć matčy vośmaha tura čempijanatu.
«Smarhoń» — «Nioman»
- 07.05, 18:00. Smarhoń, stadyjon «Junactva»
- Kaeficyjenty: «Smarhoń» (pieramoha) — 7.90; ničyja — 4.333; «Nioman» (pieramoha) — 1.38.
Apošni raz dźvie kamandy z Hrodzienščyny ŭ vyšejšaj lizie hulali ŭ dalokim 2009 hodzie. Tady pa vynikach siezona «Smarhoń» vylecieła, i tolki praz 12 hadoŭ źniknieńnie «Haradziei» dała šaniec pravincyjnaj kamandzie viarnucca ŭ futbolnuju elitu.
Choć «Nioman» i znachodzicca na apošnim miescy, ale ŭ matčy sa «Smarhońniu» mienavita hości źjaŭlajucca favarytami. Iharu Kavaleviču dali šaniec usio pačać z čystaha lista, ci pačnie z čystaha lista jahonaja kamanda?
«Homiel» — «Słuck»
- 07.05, 20:00. Homiel, stadyjon «Centralny»
- Kaeficyjenty: «Homiel» (pieramoha) — 1.71; ničyja — 3.44; «Słuck» (pieramoha) — 4.85.
Jak my i prahnazavali, «Słuck» pravioŭ čarhovy niebłahi chatni matč, padzialiŭšy bały z bresckim «Dynama». Inšaja sprava, što ŭ haściach padnačalenyja Brazieviča hulajuć kudy horš.
Ale «Homielu» vielmi składana hulać sa słuččakami doma: u piaci matčach vyšejšaj lihi na «Centralnym» — tolki adna pieramoha, i tuju zdabyli ŭ 2014 hodzie. A apošnija dva matčy kamand u 2019-m skončylisia ź likam 0:6 i 3:4. Miarkujem, što zaŭziatary byli b nie suprać, kab znoŭ atrymałasia hulnia ź vialikaj kolkaściu zabitych miačoŭ.
«Ruch» — «Spadarožnik»
- 08.05, 14:30. ASK «Brescki»
- Kaeficyjenty: «Ruch» (pieramoha) — 1.28; ničyja — 5.15; «Spadarožnik» (pieramoha) — 9.40.
«Ruch» znoŭ pieramoh i znoŭ staŭ bližej da pjedestała, nabliziŭšysia da ziemlakoŭ z «Dynama» na adlehłaść u adzin turnirny bał. Užo prajšła čverć čempijanatu, ale kamanda Alšeŭskaha nie apraŭdvaje pieradsiezonnych avansaŭ.
Što tyčycca «Spadarožnika», to ad rečyckaj kamandy naŭrad ci čakali čahości praryŭnoha. I małaimavierna, što patencyjnaja źmiena hałoŭnaha treniera moža niešta istotna pamianiać. Tym bolš va ŭmovach ścipłaha biudžetu i składu.
«Minsk» — «Viciebsk»
- 08.05, 18:30. Minsk, stadyjon «Traktar»
- Kaeficyjenty: «Minsk» (pieramoha) — 2.41; ničyja — 3.10; «Viciebsk» (pieramoha) — 2.91.
Simvalična, što hienieralnym partnioram «Minska» staŭ minski traktarny zavod, bo kłub vałodaje lehiendarnym stadyjonam «Traktar». U subotu ołdskulnaja arena stanie miescam, dzie «haradžanie» buduć padbirać klučy da žalezabietonnaj abarony «Viciebska».
Paŭnočnaja kamanda nie zabivaje i nie prapuskaje ŭžo amal miesiac. Matčy viciablan stali vidoviščam dla vytančanych amataraŭ abarončaha futboła, ale prynosiać mała zadavalnieńnia tym, chto cenić hulniu za halavyja momanty.
«Słavija» — «Dynama-Brest»
- 08.05, 20:30. Mazyr, stadyjon «Junactva»
- Kaeficyjenty: «Słavija» (pieramoha) — 3.02; ničyja — 3.54; «Dynama» (pieramoha) — 2.14.
Kalandar vydaŭ «Słavii» dva matčy zapar suprać kamand z Bresta. «Ruchu» mazyrčuki sastupili, i ŭ supraćstajańni z «Dynama» pieravahi ekśpiertaŭ nie na baku kamandy Michaiła Marcinoviča.
Pierad siezonam kamandy sustrakalisia trojčy — pieramožcam usich troch lutaŭskich sparynhaŭ byli bieraściejcy. Ci pierałomicca tendencyja, pabačym u subotu.
«Enierhietyk-BDU» — «Tarpieda-BiełAZ»
- 09.05, 15:30. Barysaŭ, stadyjon «Haradski»
- Kaeficyjenty: «Enierhietyk» (pieramoha) — 3.10; ničyja — 3.50; «Tarpieda» (pieramoha) — 2.11.
Žodzincy tydzień tamu vydali najlepšy matč u siezonie i vyjhrali ŭ «Minska», krychu sasłabiŭšy psichałahičny cisk na kamandu i treniera. U sieradu «Tarpieda» kančatkova vylecieła z kubka i moža zasiarodzicca na matčach lihi.
«Studenty» ŭ pačatku siezona pakul nie pakazali ničoha z taho, za što kamandu ceniać amatary ajčynnaha futboła: ni siensacyjnych pieramoh, ni halavych fiejeryj, ni jarkich futbalistaŭ. Mahčyma, minčukam dapamoža novy stadyjon, na jakim BATE prapisała pieramožnuju atmaśfieru.
«Isłač» — «Dynama-Minsk»
- 09.05, 17:30. Maładziečna, stadyjon «Centralny»
- Kaeficyjenty: «Isłač» (pieramoha) — 6.70; ničyja — 3.90; «Dynama» (pieramoha) — 1.48.
Status finalista Kubka dadaje salidnaści «Isłačy», chacia bukmiekiery nie vielmi vierać u kłub ź Minskaha rajona. Ale status ciomnaj kabyłki pasuje maładoj i ambitnaj kamandzie Arcioma Radźkova.
Leanid Kučuk, zdajecca, namacaŭ ryčahi kiravańnia svajoj kamandaj, ale trenieru ŭ Maładziečnie daviadziecca nie paŭtaryć pamyłak jaho kalehi z Salihorska Ramana Hryharčuka. Ź inšaha boku, vydać druhuju za čatyry dni siensacyju «Isłačy» budzie vielmi składana.
«Šachcior» — BATE
- 09.05, 20:30. Salihorsk, stadyjon «Budaŭnik»
- Kaeficyjenty: «Šachcior» (pieramoha) — 1.99; ničyja — 3.45; BATE (pieramoha) — 3.45.
Klučavy matč nie tolki tura, ale i pieršaj pałovy čempijanatu, pa jakoj možna budzie sudzić ab zdolnaści BATE zmahacca za čempijonstva. U vypadku parazy barysaŭcy adpuściać «Šachcior» na siem bałaŭ, a pieramoha dazvolić maksimalna nablizicca da supiernikaŭ.
Fota: FK «Šachcior»
Kubkavy matč salihorcaŭ pakazaŭ, što i ŭ, zdavałasia b, biezdakornym kalektyvie jość niedachopy, a pry ratacyi hublajecca kamandnaja moc. Plus, pry pierachodzie na miescami nieidealny naturalny hazon strojnaj atakujučaj linii «Šachciora» stała hulać kudy składaniej, čym na sintetycy. U hetym płanie pieravaha na baku BATE, jaki daŭno hulaje na travie.
Tamu vyznačyć favaryta i sprahnazavać vynik centralnaj hulni ŭikenda vielmi składana. Mahčyma ŭsio.
Bukmiekierskaja kantora Marafon prapanuje novym klijentam BONUS 10 rub «Biasprojhryšnaja pieršaja staŭka» pa promakodu 10BYN pry rehictracyi na sajcie marathonbet.by.
Heta vydatnaja mahčymaść zrabić prahlad matča lubimaj kamandy jašče bolš zachaplalnym! Usie detali bonusnaj prapanovy čytajcie tut.
Marafonbiet źjaŭlajecca najbujniejšym bukmiekieram u Biełarusi pa kolkaści kas (Licenzija № 33120/171, vydadzienaja MPZ RB) i pradstaŭleny ŭ 21 horadzie krainy.