Kaciaryna Andrejeva padčas suda
«Čakałasia, što etapavańnie budzie ŭ noč z 17 na 18 maja, ale my nie viedali dakładna — naŭprost paviazuć u homielskuju kałoniju abo praz Mahiloŭ. Akazałasia, što ŭsio ž praz Mahiloŭ», — paviedamiŭ Ihar Iljaš.
Nakont druhoj žurnalistki «Biełsata» Darji Čulcovaj infarmacyi niama. Vierahodna, ich etapavali razam. Kolki buduć žurnalistki ŭ mahiloŭskaj kałonii, nieviadoma — heta moža być jak paru dzion, hetak i paru tydniaŭ, piša «Novy čas».
Kaciaryna Andrejeva i Darja Čulcova byli asudžanyja na 2 hady kałonii za strym z płoščy Pieramienaŭ. Žurnalistak zatrymali 15 listapada 2020 hoda.
