BiełTA
Łukašenka adznačyŭ, što z pandemijaj i abvastreńniem sacyjalna-ekanamičnych pytańniaŭ z-za jaje nastupstvaŭ sutyknuŭsia ŭvieś śviet. «Ale my ŭ prydaču da hetaj napaści akazalisia ŭciahnuty ŭ pracesy palityčnaj turbulentnaści», — paviedamlaje BiełTA.
«Vy bačycie toj kałasalny nacisk, jaki źviedvaje nie tolki Biełaruś. Taksama ciapier my źjaŭlajemsia śviedkami płanamiernaha, pradumanaha zaciažnoha sankcyjnaha presinhu na našy dziaržavy i pierš za ŭsio na Rasiju. Z ulikam taho, jak razhortvajucca padziei, zrazumieła, što ŭ toj ci inšaj stupieni situacyja zakranie kožnaha z nas. Tut tolki pytańnie času», — padkreśliŭ jon.
Alaksandr Łukašenka pieraličyŭ, što pad udaram mohuć apynucca handlovyja adnosiny, bankaŭska-finansavaja śfiera, vytvorčaja kaapieracyja i vybudavanyja łahistyčnyja łancužki.
«Vidavočna, što tak zvany kalektyŭny Zachad nie zacikaŭleny va ŭmacavańni našaha sajuza i ŭzmacnieńni novaha kankurenta na suśvietnym rynku. Tamu treba razvažna aceńvać niehatyŭny ŭpłyŭ takoha nacisku zvonku i ŭžo ciapier pradumać miery reahavańnia — ad metavaha naroščvańnia impartazamiaščeńnia i ŭzajemnaha handlu da, kali spatrebicca, uviadzieńnia ŭ ramkach kampietencyi sajuza pramych abmiežavalnych mier. Hetyja miery my možam vykarystoŭvać, jak heta robiać našy kankurenty na Zachadzie. U vypadku abvastreńnia ekanamičnaj situacyi», — zajaviŭ Łukašenka.
