Dziasiaty tur pačaŭsia ŭ sieradu z dvuch matčaŭ z udziełam finalistaŭ Kubka, i voś jakija byli zafiksavanyja vyniki:
- «Isłač» — «Viciebsk» 0:1 (55, Vandersan)
- BATE — «Spadarožnik» 2:1 (31 (p), Umaraŭ; 37, Ja. Filipavič — 7, Jasinski)
TURNIRNAJA TABLICA
Paśla siensacyjnaha vychadu ŭ finał Kubka, pahoršylisia spravy «Isłačy» ŭ čempijanacie — usiaho adzin bał u apošnich troch turach. Mahčyma, heta źviazana z adsutnaściu lidaraŭ: z «Viciebskam» kamanda ź Minskaha rajona hulała bieź Dźmitryja Kamaroŭskaha i jahonaha ciozki Jusava. Z-za adsutnaści hałoŭnych atakujučych hulcoŭ supiernika «Viciebsk» znoŭ zmoh prademanstravać režym zvyšabarony i zdabyŭ minimalnuju pieramohu, padniaŭšysia ŭ vierchniuju pałovu tablicy.
Fota: FK «Isłač».
BATE hulniu suprać «Spadarožnika» pačynaŭ taksama bieź lidaraŭ, jak my i pradkazvali. Alaksandr Filipavič, Stanisłaŭ Drahun i Maksim Skavyš zastalisia na łaŭcy zapasnych. Barysaŭcy prymusili krychu paniervavacca zaŭziataraŭ, prapuściŭšy na siomaj chvilinie, ale jašče da pierapynku BATE adhulałasia i vyjšła napierad, nabraŭšy ŭ vyniku try bały. Ale biez strat nie abyšłosia: surjozna traŭmavaŭsia hieroj hulni suprać «Rucha» — Vilum Vilumsan. Daviałosia navat nakładać hips.
Jakija matčy lihi zastalisia?
«Šachcior» — «Dynama-Minsk»
- 21.05, 18:15. Salihorsk, stadyjon «Budaŭnik»
- Kaeficyjenty: «Šachcior» (pieramoha) — 2.17; ničyja — 2.78; «Dynama» (pieramoha) — 3.84.
Na pres-kanfierencyi paśla pieramohi ŭ dziaviatym tury Leanid Kučuk zhadaŭ niejkija padziei, jakija ŭskładnili padrychtoŭku da hulni. Jak piša partał football.by, słovy koŭča «Dynama» tyčylisia stoli zarobkaŭ, jakaja źjaviłasia ŭ hetym siezonie i ź jakoj niekatoryja hulcy i sam Kučuk nie hatovyja mirycca. Kłub ža situacyju nie kamientuje.
Leanid Kučuk. Fota: FK «Dynama-Minsk».
«Šachcior» pabiŭ rekord pa kolkaści pieramoh na starcie čempijanatu i lidziruje, majučy kamfortny adryŭ ad supiernikaŭ. Salihorcam važna prajści pieršuju pałovu siezonu jak maha lepš, bo ŭ druhim kruzie «Šachcior» čakaje ažno dzieviać haściavych matčaŭ u čempijanacie (u tym liku z BATE, «Rucham» i minskim «Dynama»), a taksama jeŭrakubki. Rassłablacca zarana.
«Słavija» — «Homiel»
- 21.05, 20:10. Mazyr, stadyjon «Junactva»
- Kaeficyjenty: «Słavija» (pieramoha) — 4.75; ničyja — 3.54; «Homiel» (pieramoha) — 1.70.
«Słaviju» znoŭ čakaje rehijanalnaje derbi, a «Homiel» — druhi matč zapar u haściach. Pieršuju hulniu z supiernikam z Homielščyny mazyrčuki vyjhrali dziakujučy dublu hanca Frensisa Narcha. A voś «Homiel» prajhraŭ upieršyniu za šeść turaŭ.
Frensis Narch u atacy. Fota: FK «Słavija».
Bukmiekiery vysoka aceńvajuć šancy hamielčukoŭ na pieramohu ŭ Mazyry, choć «Homiel» nie vyjhravaŭ tam z 2013 hoda. U piatnicu pahladzim, ci atrymajecca kamandzie Bijončyka pierałamić niepryjemnuju tendencyju, kab zastacca siarod lidaraŭ tablicy.
«Smarhoń» — «Tarpieda-BiełAZ»
- 22.05, 14:30. Smarhoń, stadyjon «Junactva»
- Kaeficyjenty: «Smarhoń» (pieramoha) — 7.90; ničyja — 4.55; «Tarpieda-BiełAZ» (pieramoha) — 1.36.
Niahledziačy na toje što «Smarhoń» i «Tarpieda-BiełAZ» znachodziacca ŭ roznych turnirnych situacyjach, bały abodvum kłubam patrebnyja prykładna ŭ adnolkavaj stupieni. Smarhoncam treba ratavacca, žodzincam — zmahacca ź niestabilnymi vynikami. Adna pieramoha ŭ siami apošnich turach — tamu «bronzavy» pryzior minułaha čempijanatu pakul dziaviaty.
«Minsk» — «Dynama-Brest»
- 22.05, 16:30. Minsk, stadyjon «Traktar»
- Kaeficyjenty: «Minsk» (pieramoha) — 3.28; ničyja — 3.28; «Dynama» (pieramoha) — 2.12.
Bieraściejec Pavieł Siadźko dakładnym strełam sa štrafnoha prynios «Dynama» doŭhačakanuju pieramohu ŭ minułym tury. U «Minska» ž sieryja bieź pieramoh zaciahnułasia ŭžo na čatyry tury. U niadzielu haradžanie vydali jarkuju hulniu ŭ Słucku, u jakoj pakazali charaktar, ale dla pieramohi hetaha akazałasia mała.
«Ruch» — «Nioman»
- 22.05, 18:30. ASK «Brescki»
- Kaeficyjenty: «Ruch» (pieramoha) — 1.96; ničyja — 3.66; «Nioman» (pieramoha) — 3.35.
Hetyja kamandy ŭ minułym tury sustrakalisia ź lidarami tablicy, pakazali niebłahuju hulniu, viali pa chodzie matču, ale ŭ vyniku prajhrali. «Nioman» jašče i jedzie ŭ Brest biez dvuch asnoŭnych abaroncaŭ.
Dla Hiorhi Kantaryi matč z «Šachcioram» akazaŭsia katastrafičnym: niezabity pienalci, vydaleńnie, da jakoha dyscyplinarny kamitet ABFF dadaŭ 5 matčaŭ dyskvalifikacyi.
Mahčyma, na hulni ŭ Breście budzie prysutničać Arciom Mileŭski. Syšoŭšy z bresckaha «Dynama», jon pajechaŭ hulać va Ukrainie za «Minaj», jaki ŭ vyniku vylecieŭ z premjer-lihi. Na tydni Mileŭski apublikavaŭ fota,pad jakim napisaŭ, što jedzie ŭ Biełaruś. Nie vyklučana, što futbalist zachoča naviedać hulniu na stadyjonie, na jakim doŭhi čas hulaŭ.
«Enierhietyk-BDU» — «Słuck»
- 22.05, 20:30. Barysaŭ, haradski stadyjon
- Kaeficyjenty: «Enierhietyk» (pieramoha) — 2.26; ničyja — 3.22; «Słuck» (pieramoha) — 3.04.
Za dzieviać turaŭ «studenty» i «cukrovyja» zmahli vyjhrać tolki pa adnym matčy i znachodziacca ŭ nizie tablicy blizka da zony vyletu. Vočnaja hulnia źjaŭlajecca niebłahim šancam vypravić turnirnaje stanovišča, ale «Enierhietyk» vosiem turaŭ nie pieramahaje, a «Słuck» niaŭdała hulaje ŭ haściach.
Mahčyma, takaja afiša — nie samy ŭdały vybar dla apošniaha matča tura, ale futbolny ŭikend matčam u Barysavie nie skončycca, bo ŭ niadzielu adbudziecca finał Kubka.
BATE — «Isłač»
- 23.05, 19:00. Homiel, stadyjon «Centralny»
- Kaeficyjenty: BATE (pieramoha) — 1.42; ničyja — 4.45; «Isłač» (pieramoha) — 6.55.
Kubak Biełarusi maje svaju asablivaść u tym, što startuje letam i kančajecca amal praz hod. Jašče nie skončyŭsia rozyhryš 2020/2021, a ŭžo iduć matčy papiarednich raŭndaŭ novaha.
Tamu atrymlivajecca, što Vital Žukoŭski z pamočnikami Paŭłam Plutam i Andrejem Misiukom spačatku vyvieli «Isłač» u čverćfinał, a paśla pierajšli pracavać u BATE, takim čynam prykłaŭšy ruku da abodvuch finalistaŭ.
Kamandy ŭžo hulali adna z adnoj u čempijanacie (tady BATE zdabyŭ bujnuju pieramohu), tamu tajamnic asablivych niama. Ale jość pole dla trenierskich manieŭraŭ, kab, naprykład, małady ambicyjny trenier Arciom Radźkoŭ zmoh stvaryć sa svaimi padnačalenymi čarhovuju siensacyju.
Bukmiekierskaja kantora Marafon prapanuje novym klijentam BONUS 10 rub «Biasprojhryšnaja pieršaja staŭka» pa promakodu 10BYN pry rehictracyi na sajcie marathonbet.by.
Heta vydatnaja mahčymaść zrabić prahlad matča lubimaj kamandy jašče bolš zachaplalnym! Usie detali bonusnaj prapanovy čytajcie tut.
Marafonbiet źjaŭlajecca najbujniejšym bukmiekieram u Biełarusi pa kolkaści kas (Licenzija № 33120/171, vydadzienaja MPZ RB) i pradstaŭleny ŭ 21 horadzie krainy.
Śpis adrasoŭ kas
