«Siońnia Pfizer i BioNTech robiać abiacańnie pastavić 2 miljardy doz našaj vakcyny ŭ krainy ź siarednim i nizkim uzroŭniem dachodaŭ na praciahu nastupnych 18 miesiacaŭ», — skazaŭ jon.
Jon paviedamiŭ, što Pfizer vyrašyŭ pastaŭlać vakcynu pa dyfierencyravanym pryncypie: bahatyja krainy buduć płacić poŭnuju canu, krainy ź siarednim uzroŭniem dachodaŭ — pałovu ad hetaj cany, a krainy ź nizkim uzroŭniem dachodaŭ zmohuć kuplać pa sabiekošcie.
Ciapier bahatyja krainy płaciać za dozu Pfizer kala 20 dalaraŭ (40 dalaraŭ za 2 dozy na čałavieka). Takim čynam, krainy ź siarednim uzroŭniem dachodu zmohuć kupić vakcynu za 10 dalaraŭ, h. zn. za dźvie dozy, nieabchodnyja dla vakcynacyi adnaho čałavieka, treba budzie zapłacić 20 dalaraŭ (krychu bolš za 50 rubloŭ pa ciapierašnim kursie).
Heta vychodzić pa toj ža canie, što i rasijski «Sputnik». Nahadajem, raniej hałoŭny sanitarny doktar Alaksandr Tarasienka raspavioŭ, što sabiekošt vakcyny «Sputnik V» dla adnaho biełarusa składaje aryjencirovačna 52 rubli za dva kampanienty.
