Spravu pa art. 24.23 KaAP 21 traŭnia razhladzieła sudździa Centralnaha rajona Viktoryja Šabunia.
Pa słovach dziaŭčyny, u momant zatrymańnia jana razmaŭlała pa telefonie, a jaje płakat lažaŭ u pakiecie. Taćciana vykazała zdahadku, što pakiet praśviečvaŭsia, tamu supracoŭniki milicyi zmahli zaŭvažyć jarkija litary. Jana patłumačyła, što płakat namalavała sama, kab padtrymać zatrymanych supracoŭnikaŭ redakcyi.
Milicyjant, jaki źjaviŭsia na sud u jakaści śviedki, śćviardžaŭ, što ŭ «niepasrednaj blizkaści» naziraŭ, jak try čałavieki stajali z płakatam «TUT Asmałoŭka».
Dyjałoh advakata ź milicyjantam:
— Vy skazali, što Niamkievič vykazvała svaje palityčnyja nastroi, a što tut palityčnaha?
— Sajt Tut.by maje niepasredny palityčny charaktar.
— Nakolki ja viedaju, supracoŭniki Tut.by byli zatrymanyja nie pa palityčnych spravach.
— Ja ž vam skazaŭ, Tut.by maje palityčny charaktar u Respubliki Biełaruś.
Vynik — 15 sutak.
