Fota ByteDance

Fota ByteDance

Razumnyja lampy imkliva nabirajuć papularnaść paśla taho, jak kampanija ByteDance anansavała ich u kastryčniku letaś. Lampa kaštuje 120 dalaraŭ, maje dźvie kamiery i pa svaich funkcyjach padobnaja da Alexa ad Amazon.

Lampa aktyŭna rekłamujecca ŭ Kitai jak nieabchodnaja pryłada dla zaniatych baćkoŭ, jakija nie mohuć zaŭsiody znachodzicca doma i kantralavać vučobu svajho dziciaci, piša The Wall Street Journal.

Adna kamiera nakiravanaja na dzicia, a druhaja pakazvaje vid źvierchu, što dazvalaje baćkam sačyć za dziećmi, kali jany vučacca, u režymie realnaha času. Da kožnaj lampy prymacyvany ekran pamieram sa smartfon, jaki vykarystoŭvaje štučny intelekt, kab davać dzieciam rekamiendacyi pa chatnich zadańniach. Bolš za toje, niekatoryja baćki najmajuć čałavieka, jaki dystancyjna adsočvaje ich dziaciej padčas vučoby z dapamohaj razumnaj lampy. Taksama možna dapłačvać nastaŭnikam, kab jany nazirali za pracesam.

Bazavaja viersija lampy stała zvyšpapularnaj u Kitai. Niadaŭna vyjšła abnaŭleńnie, jakoje dazvalaje lampie dasyłać fotazdymki baćkam, kali ich dzieci pačynajuć harbacicca.

Клас
0
Панылы сорам
0
Ха-ха
0
Ого
0
Сумна
0
Абуральна
0