Hrupa mihrantaŭ pierajšła tak zvanuju «zialonuju miažu» ŭ vakolicach miastečka Šudziałova. Ź biełaruskaha boku najbližejšyja značnyja nasielenyja punkty — Małaja Bierastavica, Alekšycy i Makaraŭcy.
Pa stanie na 6 červienia z pačatku 2021 hoda padlašskija pamiežniki zatrymali za niezakonnaje pierasiačeńnie miažy 112 čałaviek. Siarod ich nie tolki parušalniki biełaruska-polskaj miažy, ale i mihranty, spynienyja na polska-litoŭskim pamiežžy, a taksama hłybiej unutry krainy.
«Ale bolšaść hrupaŭ zatrymlivali mienavita za pierachod biełaruska-polskaj miažy — ahułam 92 čałavieki», — paviedamiła Hrodna.life pres-sakratarka Padlašskaha adździaleńnia polskaj pamiežnaj słužby Katažyna Zdanovič. Dla paraŭnańnia — za pieršyja šeść miesiacaŭ 2020 hoda ahułam na ŭsim adrezku, jaki achoŭvaje Padlašski adździeł (miaža ź Litvoj i Biełaruśsiu), zatrymana 24 čałavieki — u 3,8 razoŭ mienš.
