Raman Pratasievič. Fota spring96.org
Pra heta paviedamlaje «RIA Naviny».
Pavodle jaho słoŭ, łuhanskija śledčyja pavinny byli ŭžo vyjechać u Minsk dla vočnaj sustrečy ź biełaruskimi kalehami i dopytu žurnalista z nahody jaho mierkavanaha ŭdziełu ŭ dziejnaści bataljona «Azoŭ».
«Heta nie dakładna. Ale kantakty, sazvony byli 100 adsotkaŭ», — raspavioŭ Pasiečnik.
Raniej paviedamlałasia, što 27 maja Hienprakuratura ŁNR raspačała kryminalnuju spravu suprać Pratasieviča.
Taksama siońnia stała viadoma, što advakatka zmahła trapić da Ramana. Jon pieranios ciažkuju formu tanzilitu, u jaho byli prablemy z horłam. «Jakoje lačeńnie akazvali, jak jany jaho lačyli — nam da kanca nieviadoma. Budziem praz advakata ŭdakładniać usie hetyja pytańni», — raskazaŭ baćka.
Jon dadaŭ, što robić usio, kab dapamahčy synu, kab da jaho dapuścili daktaroŭ.