Fota pixabay.com.
Pandemija kavidu źmianiła da niepaznavalnaści rejtynh najlepšych haradoŭ dla žyćcia, jaki robić štohod analityčnaja kampanija Economist Intelligence Unit. Zamiest Vieny na pieršaje miesca ŭ śpisie haradoŭ mary ŭźlacieŭ novaziełandski Oklend. Inšyja harady astraŭnych dziaržaŭ — Aŭstralii, Novaj Ziełandyi i Japonii — taksama zaniali vysokija miescy.
Stalica Aŭstryi lidziravała ŭ śpisie z 2018 hoda, a jaje pastajannym kankurentam byŭ aŭstralijski Mielburn. Ale Novaja Ziełandyja zdoleła z dapamohaj łakdaŭnu i astraŭnoha stanovišča pazbavicca ad kavidu na svajoj terytoryi, i heta prasunuła novaziełandskija harady na pieršyja pazicyi rejtynhu, tłumačyć Guardian.
U svajoj zajavie analityki patłumačyli, što pryniatyja novaziełandskim uradam miery dazvolili pazbavicca łakdaŭnu i dać mahčymaść žycharam takich haradoŭ, jak Oklend i Vielinhtan, vieści ład žyćcia, padobny da dapandemijnaha. Vielinhtan, u svaju čarhu, zaniaŭ čacviortaje miesca ŭ rejtynhu. Na druhim miescy apynułasia japonskaja Osaka, na trecim — aŭstralijskaja Adełaida.
Analityki taksama skłali rejtynh i najmienš pryhodnych dla žyćcia haradoŭ. Tut lidziruje vieniesuelski Karakas. Druhoje miesca zajmaje ekanamičnaja stalica Kamieruna Duała, treciaje — zimbabvijski Charare.
