«Śledčy maje prava dazvalać spatkańni blizkim svajakam i členam siamji z asobaj, jakaja znachodzicca pad vartaj, … adnak nadańnie vam spatkańnia ŭ hety momant ujaŭlajecca niemetazhodnym», — havorycca ŭ admovie, padpisanaj śledčym Dźmitryjem Hančarykam.
Dakumient apublikavała ŭ siabie ŭ fejsbuku žonka palitviaźnia Andreja Pačobuta Aksana. Ab spatkańni prasiła i dačka Andreja Jana.
Raniej stała viadoma, što aktyvisty Sajuza palakaŭ Biełarusi i lidary intelihiencyi polskaj nacyjanalnaj mienšaści Andrej Pačobut i Anžalika Borys admovilisia ad vyzvaleńnia ŭzamien za zhodu pakinuć radzimu. U toj ža čas try inšyja polskija aktyvistki hetaj mahčymaściu skarystalisia. Paźniej pres-sakratarka Alaksandra Łukašenki raskazała, što z prośbaj ab vyzvaleńni palakaŭ da jaho źviartaŭsia były prezident Kazachstana Nursułtan Nazarbajeŭ.
Andrej Pačobut znachodzicca ŭ turmie №8 horada Žodzina.
Pa vynikach vyvučeńnia jahonaj spravy pravaabaroncy pryznali jaho palitviaźniem.