Budaŭnictva pieršaha namiotavaha miastečka dla nielehalnych mihrantaŭ, napłyŭ jakich z terytoryi Biełarusi pastaviŭ ułady Litvy pierad prablemaj raźmiaščeńnia ludziej, pačaŭsia ŭ litoŭskim horadzie Pabradzie, dzie znachodzicca ŭžo pierapoŭnieny Centr rehistracyi zamiežnikaŭ. Pra heta ŭ efiry nacyjanalnaha radyjo LRT paviedamiŭ načalnik centra Alaksandras Kisłavas.
«Na miescy, dzie płanujecca zładzić namiotavaje miastečka, z dapamohaj armii pačalisia raboty pa padrychtoŭcy placoŭki. U łahiery možna budzie raźmiaścić kala 350 čałaviek», — skazaŭ jon.
Usie miescy ŭ centry rehistracyi zamiežnikaŭ zaniatyja ź minułych vychodnych. Hetaja ŭstanova ŭ horadzie Pabradzie, raźmieščanym niepadalok ad miažy ź Biełaruśsiu, adnačasova moža pryniać da 240 čałaviek. Tut da pryniaćcia rašeńnia pa ich prośbie raźmiaščajuć asob, što niezakonna pierajšli miažu Litvy i źviarnulisia pa prytułkak.
Z pačatku hoda Litva sutyknułasia z bolšym napłyvam nielehalnych mihrantaŭ (u asnoŭnym z krain Azii) na miažy ź Biełaruśsiu, čym za try razam uziatyja papiarednija hady.