Fota Depositphotos.com
Niamiecki aŭtakancern ahučyŭ płany pa admovie ad aŭtamabilaŭ z ruchavikami ŭnutranaha zharańnia, u tym liku ad hibrydnych madelaŭ, piša Der Spiegel.
Z 2026 hoda ŭsie novyja madeli Audi buduć elektramabilami, a z 2033 kampanija całkam skasuje vytvorčaść tradycyjnych aŭtamabilaŭ, zajaviŭ kiraŭnik kampanii na klimatyčnaj kanfierencyi ŭ Bierlinie 22 červienia.
Miarkujecca, što da 2025 hoda budzie bolš za 20 madelaŭ elektramabilaŭ Audi. Vytvorčaść tradycyjnych aŭtamabilaŭ kampanija płanuje pastupova skasavać da 2033 hoda. Adnak praz vysoki popyt u Kitai na takija aŭtamabili, mahčyma, tradycyjnyja Audi buduć vypuskacca na miascovych zavodach i paśla 2033 hoda, dapuskaje kiraŭnik kampanii.
Pra svaje płany skasavać vytvorčaść aŭtamabilaŭ z ruchavikami ŭnutranaha zharańnia raniej zajaŭlali i inšyja bujnyja aŭtavytvorcy Niamieččyny. Mercedes-Benz Daimler płanuje całkam pierajści na elektramabili da 2039 hoda, a inšy niamiecki kancern Volkswagen — z 2040 hoda.
