Za kratami zastajecca i eks-supracoŭnica BT Ksienija Łuckina, jakaja fihuruje ŭ hetaj spravie, taksama na volu nie vyjšła.
Supracoŭnikaŭ «Pres-kłuba» zatrymali 22 śniežnia. Tady ŭ ofisie i kvaterach mieniedžaraŭ praviali pieratrusy, a Juliju Słuckuju siłaviki spynili ŭ aeraporcie, kali jana z dačkoj i ŭnukami viartałasia z adpačynku.
Juliju Słuckuju abvinavicili «va ŭchileńni ad vypłaty padatkaŭ u asabliva bujnym pamiery» (č. 2 art. 243 KK), astatnich — u saŭdziele. Siarhieja Jakupava jak hramadzianina Rasii pierad samym Novym hodam departavali.
