Čytačy «Našaj Nivy» paviedamili, što va ŭsim Mahilovie nie było elektryčnaści i byli prablemy z vadoj: stali tralejbusy, nie pracavali śviatłafory i AZS.
Anałahičnyja prablemy byli ŭ Škłovie, Białyničach, Tałačynie i Oršy, niekatorych rajonach Homiela.
Žychary minskaj Sierabranki taksama masava paviedamlali pra pieraboi z elektryčnaściu.
U Navapołacku hareli technałahičnyja fakieły naftachimičnych zavodaŭ.
Paźniej źjaviłasia paviedamleńnie MNS: «Padraździaleńni MNS vyjechali pa paviedamleńni ab pažary na terytoryi Łukomlskaj DRES. Infarmacyja budzie dapoŭnienaja».
Adbyłosia ŭzharańnie adnoj ź siekcyj transfarmatarnaj padstancyi.
Z-za pažaru na Łukomlskaj DRES parušana elektrazabieśpiačeńnie nasielenych punktaŭ Mahiloŭskaj i Viciebskaj abłaściej, paviedamili ŭ minenierha. Byli adklučanyja 8 enierhabłokaŭ DRES i ŭsie vychodnyja linii 330 kV.
Papiaredniaja pryčyna pažaru pa viersii minenierha — paškodžańnie vymiaralnaha transfarmatara.
Pa stanie na 22:37 stali źjaŭlacca paviedamleńni pra toje, što elektrazabieśpiačeńnie ŭ Mahilovie pačało adnaŭlacca.
U 23:02 ratavalniki paviedamili, što zaharańnie transfarmatara napružańnia TN-330 kV (2 siekcyja) na Łukomlskaj DRES likvidavana. Paciarpiełych niama.
